Ekki blogg fluttningur í bráð

Ég þarf ekkert að fara á vísir.is til að bölsótast út í mbl.is eða að vera endilega á mbl.is til að bölva vísir.is.

Öðrumegin lágu Landsbanka útrásarvíkingarnir og hinu megin Glitnis útrásarvíkingarnir. Sé ekki muninn á  að bölsótast út í ástandið, hverjum það er að kenna eða ekki að kenna hvort það er skrifað á mbl.is eða visir.is hehe.

Bíll til sölu beinharðir peningar fylgja með í hanskahólfinu.

Þetta er ekkert grín hér er bíll til sölu á ofantöldum kjörum.

Hlutverk foreldra?

Er  það ekki lengur í hlutverki foreldra að veita börnum sínum "áfallahjálp" þegar þau komast ekki í nógu snobbaðan skóla, er það kannski hlutverk hins opinbera að veita þá sálgæslu sem þarf. Hér held ég að foreldrarnir, og þá sérstaklega það foreldrið sem hljóp með þetta í blöðin þurfi áfallasnobbhjálp en ekki unglingurinn, hann jafnar sig en mikið "skelfing hlýtur það að vera" að komast "aðeins" inn í MS........nú væri gott að viðkomandi blaðamaður héldi áfram með fréttina og spyrði spurninga eins og "hvað er að MS" eða þeim sem útskrifast þar?

Svei þessu "skítavesturbæjarsnobbpakki" segi ég nú bara. Ég vorkenni unglingnum að eiga svona snobbaða foreldra sem þyrftu snobbáfallahjálp við einfaldri synjun á skólavist vegna þess að einkunnirnar voru bara einfaldlega ekki nógu háar að mati viðkomandi skóla ....ekkert annað. Pakk sem telur sig yfir það hafið að einfaldar reglur dugi um það á ekki "betra" skilið en að komast í MS (þó ég skyldi vel að MS vildi ekki sjá svona snobb pakk)

Foreldrar bálreiðir

Búnir að segja þetta

Lögreglan var búin að segja að þetta gæti gerst, þ.e.a.s. að nú færu þeir að versla fyrirtæki fyrir dópgróðann vegna gjaldeyrishaftanna. Þeir geta ekki keypt gjaldeyrir vilt og galið og ekki fara þeir að  flytja verðlausar krónur úr landi í gámum. Gott á þetta pakk.

Vék úr stjórn vegna rannsóknar lögreglu

Yfirvinna?

Er þá brjálað að gera hjá Herra forseta Ólafi Ragnari Grímssyni í dag. Þokkalegt djobb að þurfa að vinna á Sunnudegi.

Ríkisráðsfundir boðaðir

Á ég að vera lifandi?

Fólk sem að fæddist fyrir 1990 ætti að vera dáið!!!
(eða vorum við bara heppin??)

Já, samkvæmt löggjöfum og skriffinnum nútímans ættu þau okkar sem voru börn
á 5., 6., 7. og 8. áratuga síðustu aldar ekki að hafa lifað af.


HVERS VEGNA VAR ÞESSI NIÐURSTAÐA OKKAR SVONA?

-Jú, barnarúmin okkar voru máluð með blýmálningu.

-Það var engin barnalæsing á lyfjaglösum, hurðum eða skápum og þegar við
hjóluðum notaði ekkert okkar hjálm.

-Sem börn sátum við í bílum án öryggisbelta og/eða púða.

-Að fá far á vörubílspalli var sérlega gaman.

-Við borðuðum brauð með smjöri, drukkum gos með sykri, en fæst okkar lentu
í offituvandamálum, því við vorum alltaf úti að leika

-Við deildum gjarnan gosflösku með öðrum og allir drukku úr sömu flöskunni
án þess að nokkur létist.

-Við vörðum löngum stundum í að byggja kassabíl úr dóti og drasli og þutum
á honum niður brekkuna, bara til að uppgötva að við höfðum gleymt
bremsunum. Eftir nokkrar veltur lærðum við að leysa vandamálið.

-Við fórum að heiman snemma á morgnanna til að leika okkur allan daginn og
komum aftur heim í kvöldmat Enginn hafði möguleika á því að ná í okkur yfir
daginn.

-Engir farsímar. Ha, engir farsímar? Óhugsandi! Sumir áttu litlar
talstöðvar sem var flott að eiga!

-Við áttum ekki Playstation, Nintento 64, X-box, enga tölvuleiki, ekki
fjölmargar rásir í sjónvarpinu, ekki video, ekki gervihnattasjónvarp, ekki
heimabíó, farsíma, heimilistölvu eða spjallrásir á Internetinu.
-Við eignuðumst vini! Við fórum bara út og fundum þá.

-Við duttum í skurði, skárum okkur, fótbrotnuðum, brutum tennur, en enginn
var kærður fyrir þessi óhöpp. Þetta voru jú óhöpp. Það var ekki hægt að
kenna neinum um? nema okkur sjálfum. Manstu eftir óhappi?

-Við slógumst, urðum blá og marin og lærðum að komast yfir það.

-Við lékum okkur í nýbyggingum, fundum upp leiki með naglaspýtum og drasli
og átum Maðka og reyktum njóla. Þrátt fyrir aðvaranir voru það ekki mörg
augu sem duttu út og ekki lifðu maðkarnir inni í okkur til eilífðar og
margir gáfust upp á fyrsta njólanum!

-Við hjóluðum eða gengum hvert til annars, bönkuðum á dyrnar, gengum inn og
létum eins og heima hjá okkur.

-Við lékum okkur úti eftir kvöldmat, fórum í fallin spýta, eina krónu,
eltingaleik eða feluleik, svo ekki sé minnst á löggu og bófa. Svo þegar
aldurinn sagði til sín fórum við í kossaleik og eignuðumst kærustu/kærasta.

-Það þurfti engar félagsmiðstöðvar eða neina til að stjórna okkur - Við
stjórnuðum okkur sjálf.

-Sumir nemendur voru ekki eins glúrnir og aðrir, þeir lentu í tossabekk.
Hræðilegt.... En þeir lifðu af.

-Engin vissi hvað Rítalín var og engin bruddi pillur sem barn.

-Við fórum í sunnudagsskóla eða sóttum KFUM og K, sungum og vorum í
Skátunum og lærðum hnúta og kurteisi.

-Ef það sprakk á hjólinu lagfærðum við það í sameiningu og alveg sjálf.

-Morgunkornið okkar var m.a. TRIX morgunkorn, og við lifðum af litarefnið í
því...
OG AFLEIÐINGIN ER ÞESSI!


Síðustu 50 ár hafa verið sprengja nýsköpunar og nýrra hugmynda. Við áttum
frelsi, sigra ósigra og ábyrgð og við lærðum að takast á við það allt
saman. Við sem ólumst upp áður en löggjafi og stjórnvöld settu lög og
reglur um líf okkar sem þeir segja að sé 'okkur sjálfum fyrir bestu'?.Þessi
kynslóð hefur alið af sér fólk sem er tilbúið að taka áhættu, góð að leysa
vandamál og bestu fjárfestar nokkru sinni.

Þetta er gamalt blogg sem ég stal frá gömlum ircara nú bloggvini, þeir sem þekkja hana best segja að hún sé AMMA irc-sins, ég veit ekkert um það en hún var á irc þegar ég byrjaði þar, fyrir ekkert svo mörgum áratugum, og er þar enn (alla vega stundum) og hún bloggar (stundum) þegar liggur vel á henni (líka þegar liggur illa á henni) og hún býr til gott kaffi.

Hver um hvað frá hverju til hvers.

Ég um mig frá mér til mín átti þetta nú að vera. Mega hress eftir kosningarnar, bölva þessari svínaflensu sem er að skjóta upp kollinum. Viðbrögð við henni eru eins og sér Íslenskt erfðagen. Ekki að reyna að koma í veg fyrir að hún berist hingað til lands heldur "bregðast við þegar hún ER komin" til landsins. En kannski  er ekki hægt að koma í veg fyrir að hún berist til landsins.

Eitt er að vera snillingar í að vinna okkur út úr erfiðleikum trekk í trekk og vera stoltir af því. Hvað með að setja markið aðeins hærra. Gerast snillingar í að koma okkur  EKKI í einhverja erfiðleika (til að vera svo snillar að vinna okkur út úr þeim) það hlýtur að vera miklu auðveldara.

Hvort á að ganga í ESB eða ekki? Ég er tilbúinn í að svara því þegar ég veit hvað er í boði (hvað við fáum og hvað við þurfum að borga). Meðan það er ekki vitað get ég ekki tekið afstöðu að einhverju viti.

Annars er ég furðu hress bara, nánast vegg brattur og að spá í að bregða mér norður á laugardaginn EF það er blogg hittingur á Kaffi Karólínu en ég fæ engar fréttir af því enn.

Það er komið SUMAR

Kæru landsmenn nær og fjær

það er komið

SUMAR

Gleðilegt sumar

 

Allt á Hemma.

Nú er að treysta á að Hemmi standi vaktina vel, svo vel að þeir fari með öll 3 stigin heim úr þessum leik.

Annars bara eitur hress.

Hermann og Ronaldo í byrjunarliði

Suðupottur á Nesinu

Vonandi sýður uppúr. Það er hvergi minnst á að það eigi að hætta að veiða þennan fisk. Bara verið að minnka "eignarhald" sjálftöku greifanna á óveiddum afla úr sameiginlegri  þjóðareign.

Bendið mér á hvar talað er um að hætta að veiða þessi 20% sem fyrningarleiðin er.

Málsvarar LÍÚ og Sægreifanna eru ótrúlega margir, hvernig væri að spyrja þessa háu herra sem telja sig "eiga" óveiddan fisk í sjónum, hvernig þessi störf tapist sem þeir hræða fólkið með, hvort þeir séu hræddir um að þessi fiskur deyi óveiddur, bara af því að aðrir en þeir eiga að fá að veiða hann.

Hvað er "kvótaeigandi" skyldugur að veiða mikið af úthlutuðum kvóta sjálfur?

Ef hann getur ekki veitt hann allan sjálfur þá er hann með of mikinn kvóta miðað við veiðigetu (nema í undantekningar tilfellum)

„Sýður á mönnum vegna 5% landsbyggðarskattsins“