Api besta skinn

Þessi stóð sig með hreint ágætum í gær.

Allt að bresta á

Eins og alþjóð veit (þjóð veit þá þrír vita!) er ég að skreppa til USA (Florida) núna í næstu viku, ættlaði að kaupa mér $ í dag en kerfið hjá Glitni klikkaði um einn dag (nýr maður í fyrirtækjaþjónustunni klikkaði smá) hehe ættla ekkert að fara að nefna hann hér enda fínn náungi og gott að spjalla við hann (um annað en bankamál). Þannig að ég verð að hundskast í bankann annaðhvort á eftir í Smáralindina eða bara í fyrramálið (og taka sénsinn á að $ hækki ekki í nótt) hefur hann hækkað um heila krónu núna á sl. sólarhring þannig að ég tapa á þessu klikki hjá Glitni, ættla samt bara að vera fúll út í þá en ekki rukkka þá um mismuninn (ekki að sinni).

Er í vinnufríi fram að kvöldi II. í Hvítasunnu og vinn þá í 4 nætur og fer svo í flug á föstudeginum 16. þannig að ég ætti að vera sæmilega langvakinn til að geta náð mér í einhverja kríu í rellunni á leiðinni út.

Meiningin er svo að setja hér myndir inn á síðuna annaðhvort hér á bloggið sjálft eða í myndaalbúmið "Florida 2008" ef ég get eða kann það. Hef ekkert æft mig í því og frumreyni það bara þegar ég verð kominn út.

Annars er allt gott að frétta af austur vístöðvunum í bili alla vega, prentarinn kominn í lag svo nú get ég farið að versla miða í Disney (MGM, Epcot og Animal Kingdom) á netinu, þarf víst að prenta miðana út sem þeir senda mér svo í meili (eða vona það).

Annað var það ekki í bili ,,,,,jú þessir fáu sem kíkka hér inn verða ekki settir á aftökulista þó þeir kvitti fyrir innlitið.

Þessi er í Universal Studio og verður örugglega skoðaður aftur 

 

Tröllaskoðun....er ég ekki fallegt Tröll?

Stjórnmálaþurs

Þú ert vanaföst, tilfinningarík félagsvera.

Í margmenni á stjórnmálaþursinn oftar en ekki orðið. Ef einhver hyggst grípa fram í fyrir honum talar hann bara hærra - og það virkar. Hann hefur sterkar skoðanir á flestu, hvort sem um er að ræða fjárlagahalla ríkisins eða það hvort SS eða Goða pylsur eru betri, og gerir hvað hann getur til að þröngva þeim upp á aðra. Stjórnmálaþursinn þarf að passa sig þegar hann er í nærveru þeirra sem eru ósammála honum því blóðþrýstingurinn á það til að rjúka upp.

Stjórnmálaþursinn vantar ekki nýja skó fyrr en það er komið gat á þá gömlu... sem skósmiðurinn segist ekki geta gert við. Stjórnmálaþursinn veit hvar Guðsteinn er með verslun.

http://www.stilbrot.com/trollafell/konnun

Þetta er rússíbani dauðans og heitir HULK

Og það er búið að mana mig í að fara í þennann aftur, ég lifði það af síðast og því skyldi ég ekki lifa það af aftur......við sjáum til.

 

Seðlabanka héraðsdómri??????????????

                 BÚLÚLALA

Abbessiníukeisari heitir Negus Negusi,

og Negus Negusi segir: Búlúlala.

Öllum mönnum, sem íhuga málstað ríkisins,

finnst unun að heyra Negus Negusi tala.


Og í hreinskilni sagt eru allir óvinir ríkisins,

sem ekki hlusta á Negus Negusi tala.

Ég er Negus Negusi, segir Negus Negusi,

ég er Negus Negusi. Búlúlala.

Höf. Steinn Steinarr.



Nei bara svona smá pæling í sambandi við hver situr í Seðlabankanum eða hver er ný sestur í Héraðsdóm Norðurlands.

 

Stutt saga....Mannkynssaga fyrir byrjendur

Undan ferðamannsins fæti
valt steinn úr stað.
Og steinninn hélt áfram að velta,
veiztu það?

Og sjö þúsund árum síðar
kom Sing Sing Hó.
Og Sing Sing Hó fékk sér konu,
en konan dó.

Og sjö þúsund árum síðar
kom Ghagga Ghú.
Um Ghagga Ghú finnst hvergi
nein heimild nú.

Og sjö þúsund árum síðar
komst þú, komst þú.

Höf. Steinn Steinarr

 

Lífshlaup eða háð.......hvað haldið þið?

Ég hef verið að glugga í gamlar ljóða og vísnabækur sem ég á og þá rekist á vísur og ljóð sem mér finnst hafa borið af og einhverra hluta vegna höfðað meira til mín en annað við lesturinn, sumt út af háðinu sem ég les úr því sumt út af því að mér finnst það vera tær snilld og sumt af þvi að mér finnst það svo allt allt öðruvísi en annað sem ég hef lesið eftir aðra höfunda og þar trónir Steinn Steinarr hæst. þetta sem hér byrtist er búið að vera í uppáhaldi hjá mér lengi.

      Ferðasaga
                                                                     
      Það var fyrir átta árum
      með eimskipi tók ég far.
      Nú man ég því miður ekki
      hver meining þess ferðalags var.

      En einhverra orsaka vegna
      að endingu landi var náð.
      Og það var með þökkum þegið,
      þvi þetta var skipstjórans ráð.

      Og svo hef ég verið hér síðan
      og sofið og vakað og dreymt.
      En eins og ég sagði áðan,
      er erindið löngu gleymt.


       Höf. Steinn Steinarr

Þessi höfundur er ekki síðri en KN þegar kemur að okkur

Fáeinar vangaveltur varðandi trúmál

 

 

I

 

Þegar dópistar austur í Júdeu skráðu fræðin,
sefasjúkum orðum, og hasshundar voru kyrfi-
lega læstir niðri í dýflissum, þá var nú ekki
amalegt , Sveinki minn, að ganga með spámannns-
grillur í maganum.
 
II
 
Jæja Jesú minn góður. Setjum nú svo, að þú
hefðir stigið niður af timbrinu, þakkað
Pílatusi fyrir áletrunina og tekið ofan
þyrnikórónuna, að gefa honum til minja um
skemmtilega viðkynningu, labbað að því búnu
til næsta sprúttara og keypt eina, svona
rétt til að koma skapinu í lag.
Gengið því næst á fund þess, sem þú hittir á
fjallinu forðum, og tekið gömlu boði, sem þú
hafnaðir í fljótfærni.
Heldurðu ekki að þá hefði verið gaman að lifa,
í voða stórri höll, með einkadræver á hverjum
fingri eins og páfinn?
 
 
III
Palli boy blindaðist á veginum breiða.
Kemur þá ekki negldur Jesú af himnum ofan
eins og nýsleginn túskildingur og fer að
ræða málin.
Var einhver að tala um LSD? 

 

 Pétur Hafstein Lárusson

 

 

 

KN klikkar ekki.

Þessi vísa varð til þegar KN hafði rakað af sér yfirvaraskeggið og forvitið fólk vildi fá að vita hvenær hann léti það vaxa aftur.

Ég rækta mitt skegg í tæka tíð,

því tennurnar vantar að framan;

það  kemur sér illa í kulda og hríð,

ef kjafturinn nær ekki saman.

 

Þetta er náttúrulega alveg tær snilld ....eins og svo margt frá þessum ágæta manni.

 

Svipar okkur saman?......nema hvað hann gat ort vísur en ekki ég...

Ljós eru slokknuð og landið er svart,

í loftinu er ekkert að hang´á,

og það er í sannleika helvíti hart

að hafa ekki jörð til að gang´á.

 

Margar tilgátur hef ég heyrt um tilurð þessarar vísu og læt því enga þeirra fylgja hér með til að skemma ekki góðar sögur á bakvið þessa vísu, en þessi vísa gæti alveg verið um mig hér í den þegar ég var að staulast heim blankur og fullur í Breiðholið labbandi í gegnum Belsugrófina og út í myrkrið sem var þar á milli þegar engin var götulýsingin og hending ein réði því hvert ég lenti þegar komið var í ljósið .....en það er nú liðin tíð......alltaf gaman að glugga í KN .....kannski meira úr vísnabók hans við betra tækifæri.

Ekki hægt.....svo ekki sé fastar að orði kveðið.

ÉG

Gleymdi

 

Að

 

Borða páskaeggið

Mitt

í

Gær svo ég ......

 

ER farinn að borða það núna!!!